غناوي وشتاوي ع الصبر والعزم لو عندك ضيف

السلام عليكم ورحمة الله وبركاته

اليوم جبتلكم مجموعة من الشتاوات ع الصبر والعزم انشاءالله تنال اعجابكم واتمنى من اللي ع الصبر يضيفلنا ارجو منكم المشاركة

الصبر مو افداء لولاف***امغير واخده فيهم عوض

الصبر راه شين وزين***عليه كان ياعين تقدري
هاك صبر داوي داك***احسن عزاك في صاحب الغلا
صبار والكواين فيه***شديد عزم تاريث خاطري
ياكاتب افراق عزيز***ارزق العين بعزوم نسوته
الصبر جربوه ايتام***لقيوه خير ياعين م البكاء
لاصبر لاعزوم انفعن***دواك فالبكاء يالحايسه

ان كان الدوا فى الصبر ...ع الريق فيه يا نا نشربوا

العمر نقسموه اتنين***نصيب صبر والباقي بكاء
ابكاءك مايجيب فقيد***ربك كريم ياعين اصبري
العزم وين طاحن فيه***اللي مابكن يوم ياسهم
الصبر مو دواء للجرح***امغير موت ياعين عالمهل

دارت عزم وقلنا تابت***هف قديم الثوبةسابت
يا صوب اموسعلك بالى ... لو نقعد للعام التالى
ماراجو كيف امراجاتى......صاحبهم لولاف الواتى

صباره عيني مسمحها .....حتي كان عزيز جرحها
الصبر الي ايهون عالناس ... معايا نا قصر لاباس
الصبر اسمح من ماريت ........ دوا للعله لكن هيت
نصبر نين ايفرج ربى ...........غير غلاك انتا ما نبى
خلك ياعقلي بعقالك***لين غلا واثق نلقاك
عيني عالصبر امربيها غير امعاك اوحلنا فيها.

الصبر خير واشوى ذنب ..........وأكثر جميل واولي مالبكا

صيور صبرنا ماحيه .....الياس مو على طول عمرنا

الصبر ماكيفا دواء لللايعه كتمان سرك خير من تطليعا

الصبر ياعزيز بعدك .....صعيب غير مافيدي فزع

القيت عزم لك يادار .....وجيتك بعد قول مايجي

حتي الصبر كديناه....همومنا اللي ما حوددن

اعزوم من اعزومي خير ....القي عزيز وانسيني بهن

اصبر يا حي علي مطراك ..... وراس غلاك .... اللي تقسملك ما تخطاك ..

الصبر ماقضي حاجات..إللي صبروا ماتوا بنارهم